Во неделата, повеќето дневни весници ги посветија своите насловни страници на Махса Амини, а повеќе од еден милион луѓе ѝ оддадоа почит на социјалните мрежи на младата жена која почина во притвор каде што беше одведена од полицијата за прекршување на прописите за хиџаб.
Амини (22) почина во петокот откако падна во кома откако беше приведена во Техеран, што ги стави правата на жените во Исламската Република Иран повторно во центарот на вниманието.
Полицијата ги отфрли сомнежите дека младата жена била претепана, поради што завршила во кома, и наведе дека таа колабирала додека чекала со други приведени жени.
„Јавноста е вознемирена и лута поради тоа што се случи со Махса Амини“, пишува реформскиот дневен весник „Етемад“ и додава дека нацијата „во повеќе наврати констатирала дека полицијата за ред прибегнува кон насилство“.
За драмата што се случи пишуваа и провладините и конзервативните весници, но со пораки дека се работи за ширење лаги, што полицијата го демантираше објавувајќи видео од девојка која колабира.
IRAN Women on PROTEST
It looks like Revolution in Iran is back.
Women of Iran-Saqqez removed their headscarves ( Hijab ) in protest against the murder of Mahsa Amini 22 Year old woman by hijab police
Removing hijab is a punishable crime in Iran.#MashaAmini https://t.co/08c9LKGJ9P
— Congress (@mushfraj) September 18, 2022
Стотици демонстранти се собраа во неделата во близина на Универзитетот во Техеран, извикувајќи „Жена, живот, слобода“, покажува видеото, јавува „Ројтерс“.
Според исламскиот закон, жените се обврзани да ја покриваат косата со марама, а на оние кои не го прават тоа им се заканува казна и апсење. Но, во последните месеци, активистите за човекови права ги повикуваат жените да го отфрлат хиџабот, и покрај прописите на полицијата, која ги апси за „неморално однесување“.