Руските сили рано утринава извршија интензивен воздушен напад врз Киев користејќи беспилотни летала и крстаречки, а веројатно и балистички ракети, објавија градските власти. Ова е осми воздушен напад овој месец.
„Беше исклучителен во однос на интензитетот – максимален број проектили во најкус можен рок“, објави на Телеграм Серхи Попко, шеф на воената администрација на главниот град на Украина.
„Според прелиминарните информации, повеќето од непријателските цели во воздушниот простор на Киев се откриени и уништени“, додаде тој.
Massive number of outgoing Ukrainian SAMs during tonight’s Russian air raid on Kyiv. pic.twitter.com/G0sahlmTZo
— OSINTtechnical (@Osinttechnical) May 16, 2023
Се уште не е познато колку објекти се уништени и дали некои од нив успеале да ги погодат своите цели.
Украинската служба за итни случаи објави фотографии од пожарникари кои гаснат пожари во Киев по рускиот ракетен напад утринава.
Київ. Поки вартові неба захищають нас від ворожих ракет, рятувальники завжди поруч.
Дякуюємо, герої без зброї, за самовіддану працю!
Фото: Pavlo Petrov pic.twitter.com/QPqosWgBrK
— DSNS.GOV.UA (@SESU_UA) May 16, 2023
Сведок на „Ројтерс“ во Киев изјави дека слушнал неколку експлозии кои звучеле како противвоздушна одбрана.
Кличко: Тројца повредени во нападот
Според градоначалникот на украинската престолнина, три лица се повредени а неколку автомобили и згради во населбата Соломјански во западниот дел на градот биле оштетени.