Силен земјотрес со јачина од 4,4 степени според Рихтеровата скала ја погоди јужна Италија во текот на ноќта, принудувајќи многу граѓани на Неапол да ги напуштат своите домови и да ноќат на улица или во автомобили.
Според Италијанскиот сеизмолошки институт, епицентарот на потресот бил во близина на градот Поцуоли, каде што е регистрирано уривање на куќа, при што едно лице е повредено.
Земјотресот, кој се случил во 1:25 часот по локално време, предизвикал прекин на електричната енергија во некои делови на Неапол, а уплашените граѓани решиле да ја поминат ноќта на отворено. Иако нема поголеми штети во самиот град, оштетени се неколку автомобили и една куќа, но за среќа нема загинати, јавуваат италијанските медиуми. Според податоците од Американскиот геолошки институт (USGS), јачината на земјотресот била 4,2 степени, малку пониска од италијанските мерења.
Надлежните служби остануваат во состојба на готовност, следејќи ја ситуацијата по потресот.
Damage in Napoli and surrounding places after strong 4.4 Earthquake #sismo #terremoto #temblor #Italy #campiflegrei pic.twitter.com/WY2RHRICPB
— Disasters Daily (@DisastersAndI) March 13, 2025