Стотици луѓе во Германија, која има голема турска иселеничка популација, ја прославија победата на актуелниот претседател Реџеп Тајип Ердоган на претседателските избори во Турција со спонтани автомобилски паради, веење знамиња и свирење.
Автомобили украсени со турски знамиња возеа свирејќи низ улиците на германските градови, вклучително и главниот град Берлин, Дуизбург на запад од земјата и северното пристаниште Хамбург во неделата навечер. Според полициските информации, прославата поминала главно мирно.
Germany when Erdogan wins the election… been non stop for 30 mins now pic.twitter.com/Yz0j50HT2j
— Sam Henderson (@Hendo_Gooner) May 28, 2023
Во Манхајм во југозападната покраина Баден-Виртемберг, сепак, дошло до конфликт. Учесниците фрлале предмети кон полицајците, а дел од колоната се судрила и со пешаци. Никој не бил повреден.
Street celebrations in Berlin after Erdogan's electoral victory… pic.twitter.com/Mil79d4CBt
— Kevork Almassian🇸🇾🇦🇲 (@KevorkAlmassian) May 28, 2023
Во Дуизбург, според полицијата, на прославата учествувале неколку стотици автомобили и неколку стотици собрани на улиците. Освен неколку огномети, се било мирно, соопшти полицијата.
Во Хамбург, пред турскиот конзулат во близина на железничката станица беа формирани долги колони од автомобили кои свиреа. Само на тревникот пред конзулатот, околу илјада поддржувачи на Ердоган вееја знамиња славејќи ја неговата победа.
Ich hasse euch alle omg pic.twitter.com/Z4H8rWn9DP
— sıla ރ (@einkizaussivas) May 28, 2023