Нема најави за откажување на летови од авиокомпаниите кои летаат од македонските аеродроми поврзано со кризата со горивата, а Владата ќе продолжи да ги субвенционира евтините летови.
Од Владата за „Локално“ изјавија дека остануваат целосно посветени на развој на авиосообраќајот и дека нема да ги скратат субвенциите за евтини летови, поврзано со кризата со горивата и најавите на повеќе европски земји дека размислуваат да го ограничат летовите за да се олесни надминувњето на нафтената криза.
-Владата преку Министерството за транспорт, останува целосно посветена на развој на авиосообраќајот и ќе продолжи да овозможува финансиска поддршка за воведување на нови авиолинии за што има обезбедено средства во Буџетот, изјавија од Владата.
Фото: Јутјуб/Принтскрин/Алфа ТВ
Од таму додаваат дека засега нема најава од некоја од авиокомпаниите за откажување на линии и дека се реализира воспоставениот ред на летање, без откаувања.
Дел од светските авиокомпании по почнување на конфликтот на Блискиот исток најавија дека е неизбежно зголемување на цените на авиобилетите, бидејќи нафтената криза влијае на зголемување на дополнителни трошоци. Дел од европските земји најавија дека размислуваат да го намалат бројот на летови, а Меѓународната енергетска заедница препорача да се намалат намалат летовите кои не се неопходни.
-Цената на керозинот во Македонија е најевтина споредена со регионот што директно го поттикнува авиосообраќајот, а дополнително и бројките во првите два месеца од годината покажуваат зголемување на бројот на патници за околу 30 % во однос на истиот период минатата година, како и зголемување на бројот на летови за 20 проценти во однос на периодот јануари-февруари 2025 година, додаваат од Владата.
Е.Б.