Владата нема коментар на пишувањата: Дали апсењето на Мијалков личи на шпанска серија?

„Владата не би ги коментирала пишувањата на социјалните мрежи“, изјави портпаролот на Владата, Душко Арсовски на прес-конференција, на новинарско прашање како би ги коментирале пишувањата дека бегството на Сашо Мијалков наликува на шпанска серија.

Според него, нема ништо ново да се додаде на тоа што беше кажано синоќа на изјавата на премиерот Зоран Заев пред владината зграда.

„Секако доколку има нов развој на настаните, ќе информираме“, рече Арсовски.