Владата на САД соопшти дека постепено ќе се откаже од договорите со приватните затвори, што ќе влијае на илјадници федерални затвореници, пренесоа американските медиуми.
Одлуката беше најавена од Министерството за правда, откако претходно овој месец проверка потврдила дека приватните затвори имаат повеќе проблеми со безбедноста и сигурноста од местата за задржување, управувани од државата. Бројот на притворените во федерални затвори се намалува поради промени во политиката на издавање на пресуди во последните три години, со што се намалува и потребата од приватни затвори.
Американската влада започна да се потпира на приватни затвори кон крајот на 90-тите поради пренаселеност на местата за задржување. Кон декември 2015 година во приватни затвори се имаше затворено над 22 000 лица или околу 12 проценти од федералните затвореници, според извештајот на Генералниот инспекторат, објавен претходно овој месец. Многу од затворениците се осудени за прекршување на имиграциските закони.
Приватните затвори се управувани од три компании, акциите на две се тргуваат на берзата. Цитати им паднаа над 40 проценти во денешната акции сесија, додава АП.