На неколку локации во Скопје, во изминативе денови се забележани змии како лазат по тротоари, низ трева.
На социјалните мрежи се појавија видеа и фотографии направени на кејот во центарот на Скопје, во непосредна близина на зградата на Основното јавно обвинителство.
Луѓето на социјланите мрежи коментираат дека змии има низ повеќе населби во Скопје
– Внимавајте и на стазата на Кеј. Вчеравечер во 19 ч. ќе згазев три змии на стаза, пишува во еден коментар на социјалните мрежи.
Денеска општина Карпош информираше дека по спроведената редовната дезинсекција и дератизација, како и акција за спречување на појава на влекачи по населените места се поставува „Репелент” – средство за превенција, односно заштита од змиите.
-Службите поставуваат „Репелент” во Жданец, Трнодол, околу градинките и детските игралишта.Средството е безопасно за луѓето, животните и околината, а ја намалува појавата на влекачи.Истите се појавуваат во повисоките места и долж Вардар, каде што вегетацијата е распространета, информираат од општина Карпош.