Во Црна Гора се одржуваат вонредни парламентарни избори

Во Црна Гора денеска се одржуваат вонредни парламентарни избори, избирачките места се отворени во 7 часот, а затворени во 20 часот.

Право на глас на парламентарните избори имаат 542.468 гласачи, трет изборен циклус за неполни девет месеци, од октомвриските локални и претседателските избори во април годинава.

На изборите учествуваат 15 коалиции и партии. Некои коалиции се сменија, а некои партии одлучија да настапат самостојно во споредба со претходните избори одржани на 30 август 2020 година.