Во две општини ќе се повтори целата изборна постапка

Претседателот на ДИК, Александар Даштевски вечерва соопшти дека во две општини ќе се повтори првиот круг од изборите.

-Во две општини, Центар Жупа и Маврово и Ростуше, поради неисполнување на законскиот услов на 1/3 од запишаните гласачи да излезат на гласање, ќе се повтори целата изборна постапка член 132 став 2 од Изборниот Законик, информира Даштевски.

Тој вечерва ги соопштува првичните резултати врз основа на податоците од записниците на општинските изборни комисии и Изборната комисија на Град Скопје.