Социјалдемократите коалицираат со конзервативците на Меркел, но имаат сериозни несогласувања за имиграцијата и за судбината на едниот од шефовите на разузнавањето, откако го  презеде управувањето во март. Двапати коалицијата беше во близина на дезинтеграција. Двапати германските гласачи ги казнија конзервативците и социјалдемократи на локалните избори.

  Кевин Кјунерт кој води кампања против Поврзување на социјалдемократите со конзервативците од самиот почеток, коментира дека Социјалдемократската партија ќе следи што ќе се случи откако Меркел ќе се повлече од функцијата лидер на ЦДУ во декември.
  “Следната година е исполнета со регионални избори и политички случувања кои ќе имаат огромно влијание “, изјави тој за радио Deutschlandfunk.

Едвај можам да замислам да останеме  заедно во текот на годината. Мораме да го искористиме нашето време да се подготвиме за предвремени избори “, рече тој.

Според неговите зборови, речиси никој не верува дека коалицијата ќе преживее до крајот на својот мандат во 2021 година.

Претходно денес, министерот за внатрешни работи и водачот на Кристијан-социјалната унија Хорст Шехофер им порача на членовите на неговата партија дека сака да поднесе оставка како партиски шеф.