Грчката противпожарна бригада соопшти дека во последните 24 часа гасела 36 пожари низ целата земја.

Речиси сите пожари биле изгаснати во почетна фаза, додека пожарите на островите Закинтос, Крит, Китира и во близина на Волос се под делумна контрола.

Поради топлотниот бран кој се најавува за оваа седмица, грчките власти ги предупредија граѓаните да избегнуваат активности кои можат да предизвикаат пожар.