Во Кина се подготвува медицинска револуција: Се испитува вакцина против коронавирус во облик на спреј!

Вакцина против „Ковид 19“ во облик на спреј за нос е одобрена за клинички испитувања во Кина, објави новинската агенција Синхуа, повикувајќи се на универзитетот Хонг Конг (HKU).

Според агенцијата, тоа е прва вакцина против ковид-19 во форма на спреј за нос, која е одобрена од Државната управа за храна и лекови за клинички испитувања врз луѓе.

Претходно, компанијата „China National Biotech Group“ објави дека веќе има шест вакцини направени во Кина против ковид-19 и кои во моментот се во фаза на клинички испитувања.