Водечки светски епидемиолог откри до кога ќе ги носиме маските

Главниот американски епидемиолог Ентони Фаучи изјави дека луѓето ќе мора да носат маски уште неколку месеци со цел да го избегнат коронавирусот додека трае акцијата за вакцинација.

Фаучи за ТВ АБЦ изјави дека откако ќе се вакцинираат од 75 до 80 проценти од населението, нивото на вирусот во заедницата може да се намали за да можат некои строги мерки за јавното здравје да се олабават, пренесува АП.

Сепак, епидемиологот додава дека секое релаксирање на безбедносните мерки треба да се направи „претпазливо и постепено“.

Тој посочи дека Соединетите држави договориле 600 милиони дози на вакцина, што е доволно за сите да бидат вакцинирани со две дози до јули.