Напаѓачот на поранешниот јапонски премиер Шинзо Абе стоел зад него и во таа толпа го извршил атентатот.
Се појавија застрашувачки фотографии од моментот кога осомничениот убиец на Шинзо Абе лежерно стои зад него непосредно пред да пука во поранешниот јапонски премиер. На фотографијата се гледа како Абе започнува говор на митинг во западниот регион Нара, насмеан додека собраните околу него аплаудираат. Само неколку чекори зад нив стоел човек во војнички панталони со торба на рамо.
Само неколку минути откако политичарот го започна својот говор, истиот човек, идентификуван како ветеранот Тецуја Јамагами, се прикраде зад Абе и испука неколку истрели. На објавената снимка, Абе, облечен во темносино одело, ја крева тупаницата за време на неговиот страстен говор, а камерата потоа се тресе додека одекнуваат два истрели. Абе се срушил на улица, а кошулата му била натопена во крв.
Во следниот момент, обезбедувањето скокнало врз истиот човек кој беше на сликата зад политичарот неколку моменти претходно. Во близина на земјата може да се види голема направа со две цевки. Се чини дека станува збор за рачно изработен пиштол, што објаснува како Абе можел да биде застрелан во земја со некои од најстрогите закони за оружје во светот.
Поранешниот премиер со хеликоптер бил пренесен во болница. Лекарите се бореле да го спасат Абе, но тој починал околу пет и пол часа откако биле испукани истрелите.