Министерството за вонредни состојби на Русија во средата вечерта соопшти дека приватен авион „Ембраер Легаси“, кој летал од Москва за Санкт Петербург, се урнал во близина на селото Куженкино во Тверската област. Во авионот имало 10 лица, меѓу кои и тројца членови на екипажот и сите загинале. Лидерот на руската платеничка армија „Вагнер“ Евгениј Пригожин и нејзиниот командант Дмитриј Уткин биле на списокот на патници.
На социјалните мрежи кружи видео на кое наводно се гледа падот на авионот во кој се наоѓал шефот на „Вагнер“.
⚡️⚡️⚡️ It was not a military plane that went down in the Tver region, but an Embraer 600 business jet with the flight number RA-02795.
According to Rosgvardia, the crashed plane listed Yevgeny Prigozhin among the passengers, Rosaviatsia reported.
The moment of the Embraer plane… pic.twitter.com/vS3EjqWgP8
— NEXTA (@nexta_tv) August 23, 2023
„Росавијација“ ги објави имињата на сите патници во авионот. Тоа се Евгениј Пригожин, Сергеј Пропустин, Евгениј Макаријан, Александар Тотмин, Валери Чекалов, Дмитриј Уткин, Николај Матусеев, пренесува „Известија“. Меѓу членовите на екипажот се Алексеј Левшин, командант, Рустам Каримов, копилот и Кристина Распопова, стјуардеса.
Се уште нема официјална реакција од руските власти за несреќата.