Возрасен маж се соблекувал, па ѝ се заканувал на вработена во Центар за социјални работи!

Жител на Неготино е уапсен откако пред три дена дивеел во Центарот за социјални работи во градот, извести МВР.

На 9.5.2023 полициски службеници од ОВР Неготино го лишиле од слобода Л. Ф. (50) од Неготино затоа што во Центарот за социјални работи во Неготино упатил закани кон една вработена и се соблекол пред неа.

-Лицето беше приведено во Полициска станица Неготино, и по целосно документирање на случајот против него ќе биде поднесена соодветна пријава, информираат од СВР Велес.