„Она што се случи во Прага, ќе влезе во учебниците по историја“, рекол српскиот претседател Александар Вучиќ, осврнувајќи се на значењето на извинувањето на чешкиот претседател Милош Земан за бомбардирањето на Југославија во 1999 година.
Посетата е важна за Србија, забележува Вучиќ, и затоа што зборувал за важни проекти.
„Имаме суфицит во трговијата со Чешка. Компаниите кои се најголеми извозници во Чешка се оние што ги донесовме во Србија. Јас сум многу среќен и горд на тоаЕ, истакна претседателот на Србија.
На прашањето што ќе и донесат посетите на Брисел и Прага на неговата земја, Вучиќ истакнал дека тоа се многу важни работи, како во политичка, така и во економска смисла.
„Словенија, Хрватска, Албанија, Косово, двајца од БиХ, Северна Македонија, Црна Гора, сите нивни претставници го признаа Косово или би го признале доколку можат. Во документот нема ништо спротивно на интересите на Србите, во тоа успеавме со нашите напори и труд. Исто така, успеавме и во Брисел да добиеме гаранции за продолжување на присуството на КФОР на Косово и Метохија. Можете да замислите каков хаос би избувнал доколку се повлече КФОР“, оценува Вучиќ.
Запрашан да ги коментира обвинувањата дека „го признал Косово“, претседателот на Србија вели дека со години ги слушал тие приказни што не се точни.
„Ги слушам тие приказни веќе девет години. Но, оставете тоа што велат и што јас ќе кажам, ајде да ги видиме делата. Да се потсетиме во кое време Црна Гора ја напушти СР Југославија и кога Косово прогласи независност, како и кога беше погромот на Косово? Ние ги заштитивме нашите интереси со паметна и одговорна политика. Нашата политика не беше ограничена на водење почесни и апологетски кругови во регионот. Не можевме повеќе да забележиме на кого сите се извинивме. Денес дочекавме некој нас да ни се извини за бомбардирањето“, истакнал Вучиќ.