Вучиќ: Некои кругови на моќ во западна Европа секогаш ќе бидат против нас

Српскиот претседател Александар Вучиќ изјави денеска дека има некои кругови на моќ во западна Европа кои секогаш ќе бидат против владата се додека „го чуваме територијалниот интегритет на Србија“.

„Имаме намера да го правиме тоа и во иднина“, изјави Вучиќ за време на гостување на ТВ К1.

Вучиќ рече дека кога бил на самитот на COP во Дубаи, еден од лидерите на ЕУ му рекол дека не би верувал колкумина од нив во моментов навиваат за него.

„Реков дека некои смеат, некои не. Но, мислам дека луѓето добро разбираат што направи Србија во претходниот период“, подвлече Вучиќ.