Бројот на потврдени случаи на коронавирус во светот надмина 84,47 милиони, што се зголеми за над 541.000 во последните 24 часа, според податоците објавени синоќа од Светската здравствена организација (СЗО).
Според СЗО, бројот на смртни случаи се зголемил за скоро 8.700, приближувајќи се на бројката од 1,85 милиони, пренесува Тасс.
На 5 јануари, Светската здравствена организација доби информации за 84.474.195 случаи и 1.848.704 смртни случаи. Бројот на случаи е зголемен за 541.811, смртни случаи за 8.696.
Скоро половина од пријавените случаи во изминатите 24 часа биле регистрирани во Северна и Јужна Америка (266.499), следени од Европа (202.958) и Југоисточна Азија (26.070).
Најмногу потврдени случаи се регистрирани во САД – 20.470.169, проследено со Индија (10.356.844), Бразил (7.733.746), Русија (3.284.384), Велика Британија (2.713.567), Франција (2.615.185) и Италија. (2.166.244), Шпанија (1.893.502), Германија (1.787.410), Колумбија (1.675.820), Аргентина (1.640.718) и Мексико (1.448.755).