Милијардерот и поранешен шеф на Одделот за ефикасност на владата (DOGE) Илон Маск изјави дека на Соединетите Американски Држави им е потребна нова политичка партија, заклучок до кој дојде еден ден откако објави анкета на социјалната мрежа X, во која ги праша своите следбеници дали ќе биде потребна партија што претставува „80 проценти од луѓето во средината“, односно гласачи кои не се екстремни застапници ниту на левицата ниту на десницата од политичкиот спектар.
Маск првпат ја спомена идејата во четврток, а во анкета што ја објави на своите 220 милиони следбеници на социјалната мрежа вчера, доби поддршка од 80 проценти од нив, објавува CBS News.
„Тоа е судбина“, напиша Маск синоќа, прифаќајќи го предлогот на еден следбеник новата партија да се нарече „Американска партија“, слично на името „Америка ПАК“ за политичкиот акционен комитет што Маск го основа минатата година, кој беше главниот „мотор“ за издвојување на 239 милиони долари за помош на Трамп и другите републикански кандидати на изборите во 2024 година.