Двојка од Индија наводно изнајмила авион и се венчала кон средината на летото со повеќе од 160 гости, со цел да ги избегне мерките воведени поради вирусот корона.
Младенците Ракеш и Дакшина се венчаа пред семејството и пријателите во авион во неделата, откако резервираа лет од градот Мадураи во Индија.
Повеќе од 160 луѓе биле на Боинг 737 за да присуствуваат на церемонијата, пренесува Дејли Меил.
Снимките на социјалните мрежи покажуваат полн авион, на денот кога бројот на смртни случаи во Индија надмина 300.000.
Државата Тамил Наду, од каде полета авионот, во моментов е под клуч, а свадбите се ограничени на 50 лица.
Аеродромските службеници исто така не биле свесни за постапката што се одвивала непосредно над храмот Мадураи Менакши Аман, каде парот имал намера да се венча.
Индиската авијација започна истрага, јавуваат локалните медиуми.
Rakesh-Dakshina from Madurai, who rented a plane for two hours and got married in the wedding sky. Family members who flew from Madurai to Bangalore after getting married by SpiceJet flight from Bangalore to Madurai. #COVID19India #lockdown @TV9Telugu #weddingrestrictions pic.twitter.com/9nDyn3MM4n
— DONTHU RAMESH (@DonthuRamesh) May 23, 2021
„Тајмс оф Индија“ објави дека персоналот во авионот бил отстранет од должноста за време на летот.
Портпарол на авиокомпанијата изјави дека патнички авион Боинг 737 е резервиран од Мадураи до Бангалор за патување по венчавката.
Тој додаде дека клиентот е запознат со правилата на ковид што мора да се следат и негира дека е дозволена каква било активност на летот.