За Момировски „ДУИ не е проблематична партија“, не му е проблем да биде во идната влада предводена од ВМРО-ДПМНЕ

Новинарот Горан Момировски синоќа во емисијата „Само вистина“ изјави дека не му е проблем ДУИ да биде во идната влада предводена од ВМРО-ДПМНЕ.

„Најмалку е важно кој ќе биде во идната влада, само да имаме гаранции дека идната влада ќе се соочи и ќе се обиде да ги реши проблемите кои ги имаме. За мене лично и ДУИ не е проблематична партија, доколку се согласи на принципиелни реформи во државата“, истакна Момировски.

Новинарот е водител на емисијата „Заспиј ако можеш“ на Алфа ТВ, телевизија која важи за блиска до опозициската партија.