За овој специјален кондом ќе ви бидат потребни четири раце

Аргентинската компанија за производство на сексуални помагала и кондоми, „Tulipan“, измислила кондом за кој се потребни четири раце за отварање.

Кондомот го нарекуваат „кондом со согласност“, бидејќи неговата цел е да ја нагласи важноста на консензуалните односи, односно согласност од двајцата партнери за сексуален однос.

https://www.instagram.com/p/Bvz1H9BBwQY/?utm_source=ig_embed

Кондомот се наоѓа во картонско пакување на кое има четири копчиња, кои мора да бидат притиснати во исто време, значи, со две раце одеднаш, за да може да се отвори пакувањето и да се извади кондомот.

„Ако не е да, тогаш е не“, стои на пакувањето на кондомот, кое на пазарот треба да се појави подоцна оваа година, пренесува „Femalista“.