Стотици Македонци во Детроит за прв пат го прославија Денот на Македонското Наследство на 30-ти јули организиран од Детроит Тајгерс, бејсбол тимот чиј сопственици се фамилијата Илич со потекло од битолскиот крај Драгош и Буф во Егејска Македонија. Настанот беше во партнерство со Обединетата Македонска Дијаспора, и благодарение на неколку видни македонско-американски компани и сопственици како спонзори.
-Детроит Тајгерс обезбеди за гостите капи со логото на Детроит Тајгерс во црвено жолта боја и со знамето на Република Македонија. За време на бејзбол играта на масивниот екран во стадионот Комерика Парк против Кливленд Гардијанс се појавуваа директно прикажување од публиката со македонските капи и знамиња навивачи за Детроит Тајгерс, информираат од ОМД.
Овој настан ја слави значителноста на македонско-американската заедница и културната разновидност на Детроит.
-Го прославува македонското наследство кое Мајк Илич со гордост и посветеност го ширеше и никогаш не го заборави, како и на сите македонци кои продолжуваат да го слават низ Детроит и цела Америка. Среќни сме што оваа прослава ќе стане годишна традиција и ќе има можност да биде проследено од следните генерации.
Настанот оддаде специјално признание за Маријан Илич, истакнат претприемач, и покојниот Мајк Илич, кој овој месец ќе го прославеше својот 95-ти роденден. Дополнително, ќе се оддаде почит и на Вториот Илинден, со кој се одбележуваат 80 години од формирањето на АСНОМ и 33 години од независноста на Македонија.
ОМД изразува срдечна благодарност до нашите партнери и спонзори за нивната непроценлива поддршка во овозможување на овој настан: K2 Retail Construction & Development, d2 events, ATKO Market and Bakery, Johnny Blacks Public House, Max’s International Market and Bakery, Thero Realty, и Alokin Creative. Нивната посветеност е клучна во славењето и споделувањето на богатото наследство на македонската заедница во Детроит и пошироко, стои во соопштението од ОМД.