ЛНГ терминалот во Александрополис ќе им помогне на Србија, Северна Македонија, Бугарија, Романија, па дури и на Украина да ја намалат и евентуално да ја елиминираат зависноста од рускиот природен гас, изјави денеска претседателката на Грција, Катерина Сакеларопулу.
Таа за весникот „Политика“ изјави дека терминалот ќе отвори нова порта на диверзификација за снабдување со природен гас за северните соседи на Грција, кои имаат мал или никаков пристап до алтернативни извори и рути за снабдување.
„Во комбинација со Трансјадранскиот гасовод, гасоводот Ист Мед и гасниот интерконектор Грција-Северна Македонија, централата во Александрополис ќе им помогне на Србија, Северна Македонија, Бугарија, Романија, па дури и на Украина да ја намалат и на крајот да ја елиминираат нивната зависност од рускиот гас“, рече претседателката на Грција.