Заев: Бележиме раст од 2,3% во Буџетот

Премиерот Зоран Заев информира дека со директните даноци имаме остварување од 99,5% од планираното и од тука се бележи растот од 2,3%, споредено со 2019 година.

– Имаме значително подобрување на приходната страна на Буџетот во декември, каде наплатата даноците и придонесите изнесува 18 милијарди денари, што е за 4,3 % повеќе во однос на декември минатата година. Сето ова е убав податок за завршеток на една ваква тешка година каква што беше 2020-та, како основ за да ја почнеме надежната, нова 2021 година како година на рестарт и економско заздравување, напиша Заев.