Владата на Груевски донесе заробена држава, последна по транспарентност во 2016 година во регионот. Во денешно време, со политичка волја, со одлучност, посветена работа и одговорност еве не веќе неколку години на првото место, посочени како единствениот позитивен пример во регионот, објави премиерот Зоран Заев.
Според него, претходните сѐ криеа, а сега сѐ е јавно.
-А, кога сѐ е јавно, корупцијата не се исплати. Северна Македонија освои рекордни 83,43% во доменот на транспарентноста, според поставените критериуми. Она што е за одбележување е дека водечка позиција во регионот имаат и министерствата на Владата со освоени 62% од поставените критериуми, информира Заев и додава дека негувањето на принципот на транспарентност е прашање на одговорност на Владата.