Заев: Благодарение на Глигоров, граѓаните се движат по јасно трасиран пат на безбедност и демократија

Денес се навршуваат осум години од смртта на првиот претседател на независна Република Македонија. Киро Глигоров ги поврза двата столба на македонската државност – АСНОМ 1944 и 8 Септември 1991, напиша премиерот Зоран Заев на својот Фејсбук профил.

„Тој имаше исклучителна улога во процесот на политичкото и мирољубиво осамостојување на земјата и на нејзиното меѓународно признавање. Благодарение на него, денес граѓаните на Северна Македонија се движат по јасно трасиран пат на безбедноста, демократијата и напредокот“, напиша Заев.