Јас сум тој кој управува со извршната власт и сум должен да ги правам првите чекори, пробивајќи го снегот. Една работа е добра – во овие месеци малку повеќе дознавме едни за другите – ние Македонците за Бугарите и обратно, изајви премиерот Зоран Заев во „Утрински брифинг“ на Слободна ТВ.
– Вчера се обратив многу отворено, бидејќи се уште постои еден антагонизам кој не е во функција на пријателството кое искрено сакаме да го изградиме и Македонија и Бугарија. Растев со нашиот народ, тоа е мојот идентитетски код, така и се поставени работите во државата Уште во 2013 година јас ја спомнав „македонската жица“ од еден струмички македонски поет каде се вели: ‘Можете да ми ја скинете жицата од гитарата, јас ќе протегнам нова и ќе продолжам да свирам. Можете да ми ја скинете жицата на која сопругата простира алиша. Ќе протегнам нова. Може да правите што сакате со било која жица, важна или не важна во мојот живот, но како на Господ ве молам – Не ја чепкајте жицата македонска, затоа што изгубен во времето ќе го барам семето одејќи по жицата’. Ова го говорам затоа што во Бугарија викаат ние го признаваме македонскиот идентитет и јазик го признаваме, дајте да се навратиме на минатото. Знаете како и минатото на мојот идентитет е мое право на самоопределување, рече Заев.