Премиерот Зоран Заев при посетата на општина Пустец, Мала Преспа во Албанија изјави дека продолжуваат да работат на изнаоѓање решение со Бугарија за проблем за кој дури не знаат што е суштината на крајот, но дека ние сме пријателски земји и веруваме дека треба да си помагаме меѓу себе и да одиме напред за целиот Балкан да стане дел од Европската Унија.
Според него, проблемот настанал со краткото име на нашата држава, Северна Македонија, и уште еднаш појасни дека тоа воопшто не се разликува од она што значи Република Северна Македонија.
Тој порача дека македонската страна нема намера да попушта во спорот и барањата со Бугарија.
„Впрочем и Бугарската страна јавно ја призна реалноста за постоењето на македоснкиот јазик и македонскиот идентитет. Затоа ниту некој бара, ниту има потреба некој да попушта затоа што тоа воопшто и не се разговара. Зимаме обврска за подинамично да ги градиме односите со коридорот осум кој што не поврзува Драч Албанија, Северна Македонија со Бугарија се до Турција“, истакна Заев.