Капиталните инвестиции продолжуваат со забрзана динамика, напиша на својот Фејбук профил лидерот на СДСМ, Зоран Заев.
Тој пишува дека се гради инфраструктура за сите и со тоа се спроведува долгорочната стратегија за изградба на инфраструктура која ќе се остане и за идните поколенија.
– Интензивно се работи на локалната инфраструктура во фаза во која е отпочната изградба на дополнителни 500 км водоводи и канализации. Северна Македонија во 2019 и во 2020 во услови на корона криза, заврши 80% од примарната и секундарната гасификација, проект кој се одолговлекуваше речиси 20 години. Со помош на нашите европски партнери, изградивме 3 пречистителни станици на главните еколошки текови во државата. Чистата животна средина носи поздраво население. Инвестициите во инфраструктурата отвораат нови работни места, влијаат на движењето на економијата и го подобруваат животот на секој еден граѓанин, пишува Заев.