Џиџи Адид се подготвува напорно за настапите на модната писта за спектаклот на Victoria’s Secret 2017 во Шангај. 22-годишниот модел ја откри веста објавувајќи видео на страницата во Instagram.
Убавицата сепак нема да ужива целосно на радосен прием, а веќе излегуваат и првите закани дека не е добредојдена во земјата каде ја сметаат за “расистка”.
Поводот за незадоволството на Кинезите доаѓа од објавениот видео клип во февруари со нејзино учество во кое убавицата го имитира Буда.
Во видеото, снимено од нејзината сестра Бела, Џиџи држи колаче, стилизирано како Буда и ја имитира религиозната фигура со затворени очи.
Постот подоцна беше избришан, но не и пред да добие тешки критики од корисниците на Twitter, кои ја нарекоа “расист” и ја повикаа да се извини.
“Ние ги сакаме луѓето кои нè почитуваат, а не вас. Она што го направивте, нè направи несреќни. И Кинезите не ве поздравуваат. Значи не доаѓајте во Кина “, пишува корисник на социјалната мрежа.
Гневните мислења таму продолжуваат за како што многумина ја нарекуваат девојката на Зејн Малик расистка и гневно ја критикуваат за однесувањето, сакаат таа да се извини и исто така потврдуваат дека не е пожелно таа да дојде во Шангај.
Фото: Instagram