Автомобилот на Димитар Церномаров, Бугарин од Македонија бил запален, пишува бугарски „Днес“. На фотографијата, која ја презентираат заедно со материјалот, се гледа и што останало од неговиот автомобил. Во саботата навечер кон недела во Битолско се случила несреќа со неговиот автомобил – односно се „запалил“.
Ова го напиша на својот Фејсбук профил претседателот на ВМРО, Красимир Каракачанов.
Еве што друго сподели:
„Кога во 1990 година во Македонија беше основана ВМРО – ДПМНЕ со претседател Љубчо Георгиевски, Димитар Церномаров беше прв заменик-претседател на партијата. Во овој капацитет, Церномаров секогаш се изјаснуваше како Бугарин на прес-конференции и на сите јавни настапи.
„Инциденти“ му се случУВАА и претходно бидејќи никогаш не го криел својот бугарски идентитет. Во 1995 година, тој беше киднапиран од македонските тајни служби и исчезнат една недела, психички и физички малтретиран. По обидот за атентат, Церномаров мораше да се подложи на операција на очите во Бугарија.
Министерството за внатрешни работи на Македонија и бугарскиот амбасадор во Македонија биле известени за најновиот инцидент со палењето на неговиот автомобил. Но, наивно е да се верува дека македонските полицајци ќе го сфатат случајот сериозно и ќе ги бараат сторителите. Како што гледаме, Република Македонија се врати во тие времиња на тежок србофилски антибугаризам.
Но, бугарското Министерство за надворешни работи не може да молчи! Ние од ВМРО инсистираме Министерството за надворешни работи на Република Бугарија итно да побара информации од официјално Скопје за тоа дали палењето на автомобилот на Димитар Церномаров е поврзано со фактот дека тој е Бугарин и да инсистира сторителите на ова злосторство да бидат пронајдени и судени.“, сподели Каракачанов.