Започнува работата на гасниот терминал во Александрополис, ќе присуствува и Ковачевски

Во грчкиот град Александрополис денеска ќе се означи почетокот на работите за изградба на терминал за течен природен гас (ЛНГ), а на церемонијата ќе присуствува и премиерот на С. Македонија, Димитар Ковачевски.

Како што соопштија од Европскиот совет, на церемонијата ќе присуствуваат претседателот на Советот Шарл Мишел, грчкиот премиер Кирјакос Мицотакис, премиерот на Бугарија Кирил Петков, претседателот на Србија, Александар Вучиќ.

Изградбата на новиот пловечки терминал за ЛНГ ќе го подобри снабдувањето со гас и инфраструктурата во целиот регион на Југоисточна Европа, се вели во соопштението на Европскиот совет.