Заврши есенскиот дел од лига шампионатот во пинг понг

 Со натпреварите од шестото и седмото коло од двете најсилни лиги, супер лигата и првата лига денес во Прилеп заврши есенскиот дел од Републичкото првенство во пинг понг.

 Неприкосновен лидер на табелата е Младост од Прилеп кој со максимален учинок, шест победи од шест натпревари ќе презими на првото место на супер лигашката табела. Во екипата на Младост, Дејан Оцоколиќ и Ѓоко Јочкоски се непоразени, единствените два порази во екипата на Младост одат на контото на Александар Штаргоски.

 Најпријатното изненадување во првиот дел од сезоната е младиот играч на Шампион Фа од Штип, Дамјан Стојчев кој има само еден пораз во лигата, додека неговата екипа заврши на второто место зад Младост.

 Најнепријатно изненадување е екипата на Вардар, актуелен државен шампион на Македонија, која е убедливо на последното место

Место	ЕКИПА	Вкупно	Победи	Бодови
1	Младост	6	6	12
2	Шампион_ФА	6	5	11
3	Младост_96	6	4	10
4	Работнички	6	3	9
5	Телеком_НЕЦ	6	2	8
6	Радовиш	6	1	7
7	Вардар	6	0	6

VI КОЛО	Телеком_НЕЦ	–			:
	Радовиш	–	Работнички	0	:	4
	Младост_96	–	Младост	1	:	4
	Шампион_ФА	–	Вардар	4	:	0
VII КОЛО	Вардар	–	Телеком_НЕЦ	1	:	4
	Младост	–	Шампион_ФА	4	:	1
	Работнички	–	Младост_96	0	:	4
		–	Радовиш		:

 Во првата лига супериорни беа играчите на екипата на Телеком НЕЦ 2 кои со максимален учинок ја оправдаа улогата на фаворит и се најсериозен кандидат за освојување на првото место и пласман во Супер лигата.

Место	ЕКИПА	Вкупно	Победи	Бодови
1	Телеком НЕЦ 2	7	7	14
2	Крива Паланка 2007	7	6	13
3	Кочани	7	4	11
4	Струга (-1)	7	4	10
5	Борец ТИМ	7	3	10
6	Мултитекс	7	3	10
7	Пошта 2	7	1	8
8	Дебар Маало	7	0	7