203
Украинскиот претседател Владимир Зеленски го повика Советот за безбедност на ОН да дејствува против Русија поради воздушните напади врз цивилната инфраструктура, кои повторно предизвикаа масовни прекини на струја ширум Украина и соседна Молдавија.
Русија изврши ракетни напади ширум Украина во средата, при што загинаа 10 лица и принудно беа затворени нуклеарни централи и прекинато беше снабдувањето со вода и електрична енергија на многу места, наведоа украинските власти.
„За само еден ден бевме погодени од 70 проектили. Тоа е руската формула на теророт. Сето тоа е насочено против нашата енергетска инфраструктура“, рече Зеленски во синоќешното обраќање преку видео врска на состанокот на Советот за безбедност на ОН.