Зеленски по денешните напади врз Киев: „Нема да можат да не скршат“

Украинскиот претседател Владимир Зеленски ги коментираше нападите врз Киев кои одекнаа утрово.

„Цела ноќ и цело утро непријателот ги тероризира цивилите. Беспилотни летала и ракети ‘камикази’ ја напаѓаат цела Украина. Погодена е станбена зграда во Киев. Непријателите можат да ги нападнат нашите градови, но нема да можат да не скршат. Окупаторите ги чека праведна казна и осуда на идните генерации. Ќе избереме победа“, напиша Зеленски на Телеграм.