Земјотрес со епицентар во Албанија почувствуван во Македонија

Земјотрес од 4,2 степени по Рихтер што синоќа 28.02 ја погоди Албанија, бил почувствуван во западните и северозападните делови од Македонија.

Земјотресот се случил околу 18:30 часот, а епицентарот на 28 километри од Елбасан и на 10 километри од Лушња, во Албанија, на длабочина од 5 километри.

Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, вчера регистрирала земјотрес 184 километри југозападно од Скопје кој потекнува од соседна Република Албанија.