Жената што падна од зграда била турната, кривична за две лица за обид за убиство

СВР Охрид поднесе кривична пријава против А.Д.(32) од Охрид поради постоење основи на сомнение за сторено кривично дело „убиство во обид“ и против Е.М.(21) од Охрид поради постоење основи на сомнение за сторено кривично дело „помагање“, информираат од МВР.

На 08.03.2024 околу 11.30 часот, првопријавениот, во стан на ул. „Карпош војвода“ во Охрид, сопственост на второпријавениот, по претходна расправија ја турнал М.О.(39) од Скопје од терасата. Таа била пренесена во болницата „Св. Еразмо“ во Охрид каде и биле констатирани тешки телесни повреди.

Како што соопштуваат, второпријавениот Е.М., кој бил присутен, не го спречил сторителот во извршувањето на кривичното дело.