Знаеме што е извидништво, сите сме биле, да поставуваме шатори, да го засилиме физичкиот, ментален и духовен развој на младите луѓе, да кампуваме, но ова е навистина загрижувачки. Не смее да има амнестија од одговорност, вели првиот човек на детската амбасада „Меѓаши“, Драги Змијанац, говорејќи за скандалозниот извиднички настан во скопско.
Тој ги охрабри дојавувачите да бидат во што поголем број, затоа што масовната злоупотреба на деца не смее да помине неказниво.
-Апелирам до родителите во иднина да не даваат согласност, да побараат агенда за настаните и средба со организаторите, да бидат многу мобилни и во директен контакт со децата, вели Змијанац и додава дека со притисок на медиумите и детската амбасада, ќе се донесе правична одлука.
-Бараме одговорност од ЈО и МВР и апел до засегнатите деца да се јават на нашите оператори за да им дадеме прва психолошка помош, информира Змијанац во гостувањето на „Тема на денот“ на Сител ТВ.