Сите знаеме дека стресот делува со уништувачка сила. Знаеме и дека треба да се научиме да го совладаме. Но, дали знаеме да го разликуваме? Кога сме изложени на напор (како во работата, семејството, не го сакаме начинот на кој изгледаме и т.н.) нивоата на кортизол во организмот се зголемуваат.
Одржувањето на високи нивоа на хормонот на стресот се причина за зголемување на телесната тежина, но не само тоа. Видете неколку сигурни знаци кои укажуваат дека кортизолот кај вас е повисок.
Имате болки во грбот и главоболки
Кога нивоата на кортизол се високи во текот на долг временски период, надбубрежните жлезди почнуваат да се исцрпуваат. Тоа е причина за зголемувањето на нивото на пролактин и зголемување на чувствителноста на организмот кон болка, како болки во грбот и болки во мускулите. Исто така и најмала слабост може да е причина за појавата на главоболка.
Немирен сон
Обично нивоата на кортизол опаѓаат кон крајот на денот и од нас се очекува кога ќе се наспиеме да се повратат. Но, кога нивата на хормонот се премногу високи, во текот на денот не само што ќе се чувствувате уморни, но и сонот нема да е мирен и непрекинат. Исто така е можно да спиете долги часови, но да не се чувствувате одморени наутро. Тогаш се појавува и хроничен замор.
Често настинувате
Состојбата на имунолошкиот систем директно зависи од нивото на кортизол. Кога тие се задржуваат високи, ги деактивираат природните механизми на заштита на организмот и човекот станува неколку пати поранлив кон настинки. Затоа, ако забележите чести болести или моментални болки, добро е да се обрне внимание на начинот на живот, да се обидете да го намалите стресот и да го засилите имунолошкиот систем.
Пад на либидото
Сексуалниот живот сугерира многу за психичкото и физичкото здравје. Кога ни недостасува желба за љубов, една од причините може да бидат токму високите нивоа на хормонот.
Стомачни болести или моментални болки и недостаток на расположение
Стомачно-цревниот систем е многу чувствителен на хормонот на стресот. Кога сте изложени на стрес, може да почувствувате стомачни болки, грчеви, гадење, пролив, запек. Од друга страна кортизолот е причина да се чувствувате без расположение, без мотивација, бидејќи го инхибира лачењето на серотонин, кој ни помага да се чувствуваме добро.