Еван Шпигел може со право да се чувствува како вистински пионер на Силиконската долина. 26-годишниот успева заедно со својот партнер Боби Марфи да го направи она што многу малку основачи на компании можат да го претендираат: со функцијата Stories тој создаде вистински потпис за Snap – функција која ќе биде засекогаш поврзана како трговска марка на Snapchat.
Уникатната способност на Snapchat да го документира секојдневнието со колку е можно повеќе фото и видео извадоци му помогна на Snap не само за профит, што доведе до проценка од 40 милијарди долари, но исто така го разбуди интересот на втората највредна интернет компанија во светот.
Всушност, главниот извршен директор на Facebook, Марк Цукерберг е фан на Snapchat од самиот почеток на компанијата. Од 2012 година основачот на Facebook се обидуваше да ја стекне компанијата постојано – безуспешно, како што е јасно. А штом не може да добиеме нешто, ќе го победиме. Така звучи социјал-дарвинистичната формула на Силиконската долина – едвај друга економска метропола има слична доктрина.
Значи Цукерберг првично се обиде да се спротивстави со срамежливи обиди кои сепак пропаднаа сериозно: прво се појави апликацијата Poke, а потоа, пред две години, најдиректен обид за копирање на Snapchat со независно апликација наречена Slingshot, беше вистинска катастрофа.
Со својата ќерка компанија за споделување на фотографии Instagram минатото лето Facebook постигна изненадувачки успех – таа директно ја ископира функцијата Stories.
Експериментот забележа феноменален успех: само за пет месеци по воведувањето на новите функции Instagram привлече 150 милиони нови активни корисници – и на тој начин речиси го достигна Snapchat. А, растот на корисниците во Snapchat се стабилизира по лансирањето на Instagram и веројатно го чини повисоката оценка на берзата на Snap.