Израелски функционер изјави за Вашингтон пост дека нападот со беспилотно летало на иранска воена локација рано утринава имал цел да испрати порака до Техеран дека Тел Авив може да нападне внатре во Иран!
Мета на израелските беспилотни летала наводно била воената база во Исфахан во централниот дел на Иран, од која пред неколку дена беше извршен масовен напад врз Израел.
На социјалните мрежи се појави ново видео од нападот.
Iran International has obtained videos in which shots and sirens are heard, amid reports of an Israeli strike in Iran and the activation of air defenses in Isfahan.pic.twitter.com/BwVfukeWfP
— Iran International English (@IranIntl_En) April 19, 2024
Ирански информативен канал со седиште во Лондон објави видео на кое наводно се гледа напад на израелско беспилотно летало врз воена база во близина на Исфахан. Видеото покажува експлозии проследени со сирени за воздушен напад.
Засега не е можно да се потврди автентичноста на снимката.
Иранската војска објави дека биле соборени неколку беспилотни летала и тврди дека нема штета на воената база.