Во врска со видео записот што беше споделен на социјалните мрежи, na кои се гледаат млади деца кои го ризикуваат својот, но и животот на останатите учесници во сообраќајот , Министерството за внатрешни работи ја известува јавноста дека веднаш се преземени мерки и активности и лицата се пронајдени, извршен е службен разговор и против нив ќе бидат поднесени соодветни поднесоци согласно Законот за безбедност на сообраќајот на патиштата и Законот за возила.
На видеото се гледа едно младо момче качено на хауба од автомобил во движење, додека се снима за „ТикТок“.
-Против возачот С.З. (20) од Скопје по член 167 став 2 (поради превезување лице на надворешните делови од возилото) и член 225 став 9 (возење без возачка дозвола) од ЗБСП и член 26 став 10 од Законот за возила (управување возило без регистарски таблици), како и против лицето што стои на хауба Р.Ѓ. (19) од Скопје по член 317 став 14 (му дал да управува возило на лице без возачка дозвола) и член 165 став 2 (прави дејствија со кои ја загрозува својата безбедност) од ЗБСП, појаснуваат од МВР.
СВР Скопје презема и дополнителни мерки и активности за целосно расчистување на случајот.