Се повеќе детали пристигнуваат за синоќешниот напад со нож на фестивалот во германскиот град Солинген, во кој загинаа три лица, а осум беа повредени, од кои пет потешко и тројца полесно.
Полицијата нападот го третира како терористички
Според „Дојче Веле“, нападот се случил околу 21:40 часот. Полицијата го третира како терористички напад бидејќи нема индиции дека жртвите биле намерно избрани. Напаѓачот избегал, а по него трагаат силни полициски сили, меѓу кои и специјална полиција.
Полицијата интензивно ги испрашува сведоците на нападот, но и самите жртви, за да се утврди идентитетот на напаѓачот кој побегнал во толпата која се појавила по нападот. „Во моментов немаме никакви информации каде се наоѓа“, изјави портпаролот на полицијата.
Тој целел кон вратот на своите жртви
Напаѓачот јасно напаѓал за да убие: тој целел кон вратот на своите жртви. До утрово не се идентификувани сите жртви, односно полицијата не сака да ги објави имињата на убиените.
Нападот се случил на Фронхоф, плоштад каде настапувале музички бендови.
🇩🇪🚨‼️ BREAKING: A knife attack occurred at the Festival of Diversity in Solingen, Germany, resulting in multiple fatalities and several injuries.
The attacker, described by witnesses as possibly Arabic, randomly stabbed passers-by during the city festival. Reports indicate… pic.twitter.com/LrIlfsSrTK
— TabZ (@TabZLIVE) August 23, 2024
Сведоците во шок: „Видов на лицето на пејачката дека нешто не е во ред“
Инцидентот ги шокираше присутните. Еден сведок изјави за „Solinger Tageblatt“ дека стоел пред бината во Фронхоф кога нападот се случил на само неколку метри.
Слушал музика кога го забележал изгледот на пејачката дека нешто не е во ред.
„И тогаш лицето падна на само еден метар од мене“, изјави Ларс Брејке за локалниот весник. Отпрвин мислел дека лицето е пијано. Но, кога се свртел, видел други луѓе како лежат на земја во локви крв. Тој самиот не е повреден.
Сведоци: Изгледаше како Арап
Очевидци за „Билд“ изјавија дека напаѓачот изгледал како Арап.
Се верува дека напаѓачот намерно ја избодел својата жртва во вратот, објавија и германските медиуми. Началникот на полицијата Александар Креста рече дека во моментов се претпоставува дека се работи за само еден сторител кој немал помошници.