Голема прашина се крена во Србија бидејќи во Белград се вееше косовското знаме по повод 48-от Конгрес на УЕФА што се одржува во тој град.
Агим Адеми, претседател на Фудбалската федерација на Косово, позираше покрај сино-жолтото знаме на Косово, предизвикувајќи бура од реакции во Србија.
Српската федерација веднаш соопшти дека е лага дека на Конгресот на УЕФА во Белград имало знаме на Косово, со оглед на тоа што Србија не ја признава независноста на Косово, но тие самите брзо се демантираа.
Два и пол часа по првата изјава, Фудбалската федерација на Србија излезе со второ соопштение во кое потврди дека косовското знаме навистина било меѓу 54-те знамиња на Конгресот на УЕФА.
„Денеска во Белград се одржува 49-тиот Конгрес на УЕФА, еден од најголемите настани во нашата земја досега. Организатор на конгресот е УЕФА, а Фудбалската федерација на Србија е домаќин на најважните фудбалски луѓе во Европа и светот. Сенка на извонредната организација ја фрли неуспехот на организаторите, што еден од учесниците на Конгресот се обиде да го искористи за нефудбалски интереси. Реагиравме заедно, брзо и одлучно и со целосна одговорност ја информираме јавноста дека на Конгресот на УЕФА денеска во Белград нема знамиња или таканаречени знаменца на Косово. Му се извинуваме на секој граѓанин и на секој член на нашиот народ, особено на нашиот народ на Косово и Метохија, кои беа вознемирени и повредени поради пропустот на организаторите, што веднаш беше санирано со нашата реакција“, соопштија од ФСС.
Недолго потоа на интернет почна да кружи видео од „елиминација на грешката на УЕФА“.
Kažete zastava tzv. Kosova u Beogradu na samitu UEFA? Evo vam zastava… pic.twitter.com/OKImcqF7yd
— Olgica Rajković (@OlgicaRajkovic) April 3, 2025
На видеото се гледа како неколку луѓе го палат косовското знаме пред Сава центарот. Засега нема информации дали се работи за истото знаме со кое позираше Адеми.