Керол и Мајкл Мидлтон, родители на принцезата од Велс и идната британска кралица Кејт, по втор пат за еден месец се цел на непријатна кампања, напад со плакати преку кои ги прозиваат за неуспехот на компанијата Party Pieces и дека ја загрозуваат егзистенцијата на добавувачите, соработниците и вработените. Не е познато кој е авторот и кој ги поставил плакатите.
За првпат на почетокот на октомври, злонамерни пораки на постери се појавија на ѕидовите, оградите и уличните светилки во Баклбери и соседните села. Инаку, нивниот син Џејмс и ќерката Пипа живеат во близина со своите семејства, а Кејт често ги посетува родителите со сопругот, принцот Вилијам и нивните деца.
Party Pieces, компанија која обезбедува се што е потребно за да се организира забава, долго време работи успешно.
Керол и Мајкл се потрудиле да го спасат бизнисот, чиј пад главно бил предизвикан од пандемијата на Ковид-19, поради која практично исчезнаа забавите и настаните од кои заработуваа, а потоа следуваше економската криза. Шкотскиот бизнисмен Џејмс Синклер ја купил компанијата за 180.000 фунти, но не можел да ја спаси. Откако прогласи банкрот во јуни, остана со долг од 2,5 милиони фунти. Многумина веруваат дека 68-годишната Керол и 74-годишниот Мајкл треба сето тоа да го платат од свој џеб.
„Направија се што беше во нивна моќ и навистина не заслужуваат такви злоупотреби“, изјавиле локални жители за медиумите кога се појавија првите плакати.
Оваа недела повторно започна нова кампања за оцрнување на семејството Мидлтон, овој пат со постери на кои извесна Моли Браш тврди дека родителите на Кејт се причината што таа станала модел за OnlyFans. Нејзините зборови можат да се толкуваат на различни начини, но во основа, Моли сака да каже дека била принудена на порнографија откако пропаднала компанијата за која работела.
Не толку професионално изработени плакати се поставени на различни локации низ Баклбери, вклучително и еден на знакот за фармата на Пипа Мидлтон.
New twist in cruel campaign against Kate Middleton’s family as OnlyFans model feuds with royal in-lawshttps://t.co/OcNvrAXUJWhttps://t.co/OcNvrAXUJW
— The Sun (@TheSun) October 27, 2023