ЕвропаСлајдер

📸🎥Масовен напад врз Москва, убиени баба и внукa, Медведев се заканува со оружје за масовно уништување

Медведев предупреди, во објава на Телеграм, дека понатамошната ескалација на конфликтот во Европа може да доведе до војна со Русија, па дури и до употреба на оружје за масовно уништување

од Vladimir Zorba
25 прегледи Фото: Х/Принтскрин

Поранешниот руски претседател Дмитриј Медведев предупреди, во објава на Телеграм, дека понатамошната ескалација на конфликтот во Европа може да доведе до војна со Русија, па дури и до употреба на оружје за масовно уништување.

„На Русија, во принцип, не ѝ е потребна војна со никого, дури ни со ледената стара Европа. Таму нема што да се добие“, напиша Медведев, нагласувајќи дека „веројатноста за смртоносна несреќа секогаш постои, а таков конфликт има апсолутно реален ризик да ескалира во војна со оружје за масовно уништување“.

Неговите зборови доаѓаат во време кога просторот за преговори се повеќе се стеснува. Портпаролот на Кремљ, Дмитриј Песков, изјави за новинската агенција РИА дека нема сигнали од Киев за подготвеност за продолжување на мировните преговори.

„Не, засега практично нема сигнали од Киев“, рече Песков.

Во исто време, руските власти пријавија масовни напади со беспилотни летала од Украина. Според новинската агенција РИА, руските сили за воздушна одбрана соборија 84 беспилотни летала во понеделник вечерта. Едно од дроновите падна во Москва, при што загинаа 76-годишна жена и нејзината шестгодишна внука. Гувернерот на Московскиот регион Андреј Воробјов изјави дека биле погодени и два блиски града.