Необична сцена посведочија навивачите на натпреварот од италијанската Серија Ц, третото ниво на италијанскиот фудбал, каде се сретнаа Триестина и Џана Ерминио.
Триестина, некогашниот член на Серија А, тоне се подлабоко и го загуби овој натпревар со резултат 1:0, а „капак“ на се’ беше и тоа што од 34. минута играше со играч помалку.
The magic of Serie C – Triestina player gets sent off and his manager Pep Clotet shows him how he feels
pic.twitter.com/bSooEl6vtv— Francesco (@FRANCESCalciO_) November 8, 2024
Тогаш црвен картон доби Летонецот Рајмондс Кролис, а тренерот на Триестина, Пеп Клоте, целосно полуде поради неговиот непромислен потег.
Клотет се нафрли на Кролис додека тој го напушташе теренот, во налет на бес го фати за дресот и го тресеше десет секунди. Летонецот не одговори и само чекаше тренерот да го заврши тоа што го планираше, а потоа отиде во соблекувалната.
Триестина е последнопласираната екипа на табелата во Серија Ц со само шест бодови од 14 одиграни натпревари и извесно е дека ќе испадне во четвртиот ранг на италијанскиот фудбал.